ഹോസ്ദുർഗ്ഗ് ഉപ ജില്ല കേരള സ്കൂൾ കലോത്സവം വിളംബര ജാഥ

 ഹോസ്ദുർഗ്ഗ് ഉപ ജില്ല കേരള സ്കൂൾ കലോത്സവത്തോടനുബന്ധിച്ചുള്ള വിളംബര ജാഥ നവംബർ 8 വെള്ളിയാഴ്ച്ച നടന്നു.രാവിലെ 10.30 ന് പാണത്തൂരിൽ നിന്ന് ആരംഭിച്ച വിളംബര ജാഥ കോളിച്ചാലിൽ സമാപിച്ചു. ഉച്ചകഴിഞ്ഞ് 2 മണിക്ക്ഒടയംചാലിൽ നിന്ന് ആരംഭിച്ച വിളംബര ജാഥ മാലക്കല്ലിൽ സമാപിച്ചു. പാണത്തൂരിൽ പനത്തടി ഗ്രാമപഞ്ചായത്ത് പ്രസിഡണ്ട് ശ്രീമതി പ്രസന്ന പ്രസാദ് ഉദ്ഘാടനം ചെയ്തുു. പബ്ലിസിറ്റി കമ്മറ്റി ചെയർമാൻ കെ. ജെ സജി അധ്യക്ഷത വഹിച്ചു. ജനറൽ കൺവീനർ സജി എം എ, പനത്തടി ഗ്രാമപഞ്ചായത്ത് ഭരണസമിതി അംഗം കെ.ജെ ജെയിംസ്, പബ്ലിസിറ്റി കമ്മറ്റി കൺവീനർ ബിനീത് വിൽസൻ ,റിങ്കു ജോസഫ് ചിറപ്പുറത്ത് തുടങ്ങിയവർ സംസാരിച്ചു. ഒടയഞ്ചാലിൽ നിന്നാരംഭിച്ച വിളംബര ജാഥ മാലക്കല്ല് സെൻ്റ്.മേരീസ് എ.യു.പി. സ്കൂൾ ഹെഡ്മാസ്റ്റർ ജനറൽ കൺവീനറുമായ ശ്രീ.സജി എം എ ഉദ്ഘാടനം ചെയ്തു. നവം: 11,12,18,19,20 തീയതികളിൽ മാലക്കല്ല്, കള്ളാർ സ്കൂളുകളുടെ നേതൃത്വത്തിലാണ് ഹോസ്ദുർഗ്ഗ് ഉപജില്ല സ്കൂൾ കലോത്സവം നടക്കുന്നത്.